Professional ta'lim yo'nalishlari

Mulkchilik shaklidan qat'iy nazar barcha turdagi davolash-profilaktika muassasalarida, OShP (oilaviy shifokor punkti)larda, tuman tibbiyot birlashmalari, viloyat va Respublika tibbiyot muassasalarida, Respublika shoshilinch tibbiy yordam ilmiy markazi va uning filiallarida, ixtisoslashtirilgan ilmiy markazlarda - ilmiy-tekshirish institutlari klinikalarida, markazlashgan sterilizatsiya bo'limlarida, ijtimoiy ta'minot muassasalarida, shifokor xonasida, muolaja, operatsiya, emlash va registratura xonalarida, oilaviy fizioterapiya va reabilitatsiya bo'limlarida hamshiralik ishini amalga oshiradi. Shuningdek, parhez ovqatlanish, davolovchi jismoniy tarbiya va massaj hamshirasi, tibbiyot statisti sifatida faoliyat yuritadi.

«Dori-darmon» davlat aksiyadorlik uyushmasiga qarashli hamda mulkchilik shaklidan qat'iy nazar dorixonalarda ishlaydi. Tayyor dori-darmonlar, farmatsevtik mahsulotlar va tibbiy buyumlar, bemorlarni parvarishlash buyumlari, sanitariya va gigiyena vositalari sotiladigan bo'limlarda, dorivor o'simliklar va ulardan sharbatlar tayyorlanadigan dorixona bo'limlarida faoliyat yuritadi. Dorixonalarda dori tayyorlovchi sifatida ishlaydi.

Oilaviy shifokor punktlari, oilaviy poliklinikalari, shahar oilaviy poliklinikalari, reabilitatsion tibbiy muassasalar, nogironlar reabilitatsiya markazlarida patronaj tibbiyot hamshirasi sifatida faoliyat yuritadi. Markazlashgan sterilizatsiya bo'limlari, fizioterapiya bo'limlarida aholi sog'lig'ini saqlash va bemorlarga yo'naltirilgan hamshiralik ishini amalga oshiradi. Shuningdek, parhez ovqatlanish hamshirasi va tibbiyot statisti sifatida ishlashi mumkin.

Qishloq va shahar oilaviy poliklinikalari, reabilitatsion tibbiy muassasalar, nogironlar reabilitatsiya markazlari, Mehribonlik va qariyalar uylari, davlat va nodavlat ijtimoiy tashkilotlarning ayollar, o'smirlar, bolalar va qariyalarga ijtimoiy yordam ko'rsatish bo'limlarida ishlaydi. Respublika, shahar va tuman xotin-qizlar qo'mitalari, ijtimoiy yordam bo'limlari, xayriya va mahalla jamg'armalarida tibbiy-ijtimoiy yordam tashkilotchisi vazifasida faoliyat yuritish uchun tayyorlanadi.

Avtomatlashtirilgan va kompyuter tizimlarining matematik hamda dasturiy ta'minoti sohasida ishlaydi. O'zbekiston Respublikasi Raqamli texnologiyalar vazirligi tasarrufidagi korxona va tashkilotlarda, axborotni himoyalash bilan bog'liq idora va tashkilotlarda, vazirliklar va idoralar kompyuter hamda axborot texnologiyalari markazlarida faoliyat yuritadi. Axborot-kommunikatsiya tizimlari va texnologiyalarining texnik hamda dasturiy vositalarini loyihalash, sozlash, ishlab chiqarish va amaliyotga tatbiq etish jarayonlarida ishlaydi.

Tibbiyot apparatlarini ta'mirlashga buyurtma qabul qilish, ta'mirlangan apparatlarni sinovdan o'tkazish, texnik hujjatlar tayyorlash. Tibbiyot apparatlariga tashxis qo'yish va ta'mirlash. Zamonaviy va xorijiy tibbiyot apparatlarini ta'mirlash, o'rnatish, radiomontaj ishlarini amalga oshirish.

Kosmetologik klinikalarda va go'zallik salonlarida.